Contenido

Pa matriculase nesti cursu hai que tener conocimientos previos. Esti cursu va poder tener variaciones d'horariu en dalgunes sesiones pa facer salíes. El radioteatru ye un xéneru dramáticu qu’amiesta les téuniques de les llectures dramatizaes coles ferramientes de la radiodifusión. Entama a primeros del sieglu XX, cuando la radio ye’l principal mediu de comunicación de mases, como un mediu d’apurrir espacios afayidizos pa un públicu que reclama conteníos culturales y d’entretenimientu. N’Asturies, tal fechu prodúzse mui llueu, cola incorporación a la emisora EAJ-34 d’un grupu artísticu procedente de delles compañíes de Teatru Popular Asturianu y consolidaráse con figures de la importancia de Juan José Plans. Anguaño, el radioteatru yá nun depende tanto de les emisores radiofóniques al xeneralizase un formatu más democráticu d’asoleyamientu, el podcast dixital, que permite fórmules más personales y particulares d’espresión dramática. Nesti taller analizaránse les diferentes formes históriques del xéneru, parando en la realización de los testos, la direición escénica y les téuniques d’interpretación, locución y grabación de conteníos dramáticos. La finalidá ye ufrir un conocimientu xeneral del xéneru dramáticu denomináu radioteatru, empobinándolu a la realización de podcast. Actividaes: Dinámiques de conocimientu grupal. Exercicios de llectura. Exercicios d’analís de testos dramáticos. Alderiques y tormentes d’idegues. Exercicios de declamación. Xuegos y exercicios de téunica vocal. Exercicios d’adautación de testos narrativos a llinguaxe dramáticu. Grabación de testos.

Formato

Curso o taller

Notas

Otras Notas

(1) Para matricularse en este curso son necesarios conocimientos previos. (6) Este curso podrá tener variaciones de horario en algunas sesiones para realizar salidas.

Profesores

SERGIO MANUEL BUELGA